Амиграциатә маҵзура аиҳабы иазгәаиҭеит 2023 ш. актәи азыбжазы амиграциатә маҵзура аусура иабзоураны абиуџьет иаланагалаз аҳәынҭқарратә ҳаза акыр ишышьҭыҵыз.
2023 шықәса жьырныҳәамза 1 инаркны ԥхынгәы 7 нӡа иаҵанакыз аамҭахәҭазы абиуџьет ахь иаланагалаз аҳәынҭқарратә ҳаза ишьақәнаргылазар 44.564.506 мааҭ, 2022 шықәса иара абри аамҭахәҭа иалагӡаны абиуџьет иалагалан 32.420.320 миллион мааҭ. Амаҵзура аусура иабзоураны иубарҭоуп 37,46 % апроцент рҟынӡа аизҳара шыҟоу.
1.Авизақәа роуразы аҳәаанырцәтәи атәылауаа рҟынтә - 4061 арзаҳал рыдыркылеит.
2.Аусуразы авизақәа рыҭара аан ишәаз аҳаза ишьақәнаргылеит- 17.487.630 мааҭ.
3.Амиграциатә шәҟәҭагалара иахыжьын - 2430-ҩык.
4.Амедицинатә гәаҭара иахысит - 4435-ҩык.
Убри аан иаарҧшын:
5.А-ВИЧ инфекциа змаз ҩыџьа.
6.Агепатит В змоу - 195-ҩык.
7.Агепатит С змоу - 84-ҩык.
8.Алегализациа рызуын, мамзаргьы арзаҳал алазҵаз аҳәаанырцәтәи атәылауаа аусуразы апатент рыҭан – 3717-ҩык; урҭ рахьтә апатентқәа- 523.
9.Аусураҭаҩцәа рҟынтә - 400 арзаҳал рыдыркылеит.
Ахшәаарақәа:
- Аҳәаанырцәтәи атәылауаа аусура азин рыҭаразы Аҳәынҭқарратә ҳаза ишьақәнаргылеит – 15.837.600 мааҭ.
11.Аҳәаанырцәтәи атәылауаа апатент рыҭаразы Аҳәынҭқарратә ҳаза ишьақәнаргылеит - 4.389.600 мааҭ.
12.Аусурҭаҭаҩцәа аҳәаанырцәтәи аусзуҩцәа рыхрархәареи аусура радҧхьалареи азы азин аҟаҵаразы Аҳәынҭқарратә ҳаза иартәеит – 6.811.416 мааҭ.
13.Административтә ҧҟара инақәыршәаны аӡбарҭахь инашьҭын 55 материал.
14.Ахараҧсатә санкциақәа рҟынтә Аҧсны Аҳәынҭқарратә абиуџьет иаланагалеит – 36.260 мааҭ.
15.Аҳәаанырцәтәи атәылауаа рҟынтә аӡәы атәыла далцан.
Убас, амиграциатә маҵзура абзоурала 28 Аҳәаанырцәтәи ахәынҭқаррақәа рыҟнытә иааз аусзуҩцәа амиграциатә шәҟәҭагалара иахыжьын.
Ас-еиҧш аихьӡарақәа раарҧшра алыршахеит Аҧсны Аминистрцәа реилазаара Аппарати, Аҧсны аҩныҵҟатәи аусқәа рминистрреи, Аҧсны адәныҟатәи аусқәа рминистрреи, Аҧсны Аҳәынҭқарра ашәарҭадаратә маҵзуреи, Аҧсны аҳазалхратә еилаки, Аҧсны ашәарҭадаратә маҵзура аҳәаахьчаратә усбарҭеи русеицура иабзоураны.