Аилацәажәара мҩаҧигон АҳәынҭқарратәАмиграциатә маҵзура аиҳабы, аинрал-маиор Р.З.Габлаиа, уи убасгьы иалахәын аиҳабы ихаҭыҧуаҩ Е.Ч.Гамисониеи амаҵзура аиҟәшақәа реиҳабацәеи.

   Зыӡбахә ҳамоу аамҭахәҭазы Амаҵзура абас еиҧш аусқәа мҩаҧнагеит:

 -амедицинатә ршаҳаҭра иахысит-2681-ҩык ауаа;

-урҭ рахьтә иаарҧшын:

-агепатит В змаз- 110- ҩык;

-агепатит С-50- ҩык;

-агепатит В-С-3- ҩык;

-а-ВИЧ-инфекциа-3- ҩык;

-аимҳәаду змоу рзы адыррақәа ыҟам;

-анаркологиатә диспансер аҟынтәи адыррақәа ыҟам;

-аҳәаанырцәтәи атәылауаа рҟынтәи аусуразы азин рызҭо 1389 патент рыҭан;

-аусурҭаҭаҩы иҟынтәи-176;

-аусурҭаҭаҩцәа иадрыҧхьало аҟазацәа -599;

-апатентқәа рыҭаразы ирыдыркылеи - 166 арзаҳал;

- иалагалаз аҳазаабаџь иартәеит - 12.353.500 мааҭ.

- 2024 шықәса актәи аквартал азы амиграциатәшәҟәҭагалара иахыжьын - 574 ҩык аҳәаанырцәтәи атәылауаа;

- Аҟәатәи аӡбарҭахь инашьҭын - 117 административтә материал;

-зыӡбахә ҳәоу аамҭахәҭазы ашәҟәҭагаларазы ирыдыркылеит-3167 арзаҳал;
-ашәҟәҭагаларазы ишәаз  аҳазаабаџь ишьақәнаргылеит - 633 400 мааҭ.

-авиза аиуразы аҳәаанырцәтәи атәылауаа рҟынтәи ирыдыркылеит- 2429 арзаҳал;

- ирымаз авиза ацҵаразы арзаҳал аларҵеит-2429-ҩык;

-авизақәеи ааҧхьарақәеи рзы ишәаз аҳазаабаџьишьақәнаргылеит-16.384.500 мааҭ.

  Иааизакны Аҧсны Аҳәынҭқарра абиуџьет иалагалан -36.498.382 мааҭ.

  Амаҵзура аиҳабы Аҧсны Аҳәынҭқарра аҵакырадгьыл аҟны амиграциатә шәарҭадара аҧҵаразы аусқәа рырҕәҕәаразы ажәалагала ҟаиҵеит.

  Убри  аан ажәалагала ҟаҵан Аҧсны ААР ашҟаашәҟәы нашьҭызарц, аҳәаанырцәтәи атәылауаа Амиграциатә маҵзура аҟны рышәҟәҭагалара аан анацәашьҭахыхратә шәҟәҭагалара  иахрыжьларц азы, аусҳәарҭабжьаратә еиқәышаҳаҭра анапаҵаҩразы.

 Аҧсны Аҳәынҭқарра Амиграциатә маҵзура аусзуҩцәа ирыдҵан аушьҭра-гәаҭаратә ҭыҧ «Ҧсоу» аҟны русура дырҕәҕәарц, иара убасгьы аҳәаанырцәтәи атәылауаа аамҭала ашәҟәҭагалара ахьрымоу аҭыҧқәа рҟны ареидтә усмҩаҧгатәқәа мҩаҧыргаларц, урҭ ара рыҟазаареи русуреи азакәаншьаҭа амоу иамаму аилкааразы.

  Аҧсны Аҳәынҭқарра Амиграциатә маҵзура аҟәшақәа реиҳабацәа ирыдҵан амаҵзурауаа рмаҵзуратә уалҧшьақәа ҭакҧхықәрала ирызнеиларц азы аинструктаж рахыжьра.

  Изыхәҭоу аҟәшақәа реиҳабацәа ирыдҵан аҳәаанырцәтәи атәылауаа атәылауаҩра змам ахаҿқәеи, Аҟәатәи Аҳаирбаҕәаза аиҭашьақәыргыларазы усураҳәа Аҧсныҟа иааз,иаарласны азинтә документқәа рыҭара амҩаҧгашьазы аинструктаж рахыжьра.

 Аилацәажәара аихшьаалақәа ҟаҵо Амаҵзура аиҳабы аилазаара зегьы иҭабуп ҳәа реиҳәеит иаҳхысыз ашықәс азы аасҭа русураҿы иаадырҧшыз алҵшәа ҳаракқәа рзы, иазгәеиҭеит аколлектив зегьы ҳәоуеиқәшәала русеицура.